"MAPA BAT BAINO GEHIAGO" KANPAINA ABIAN DA
LIZEOAREN HANDITZE LANEN LEHEN HARRIA JAR DEZAGUN!
Baionan kokatua den Xiberuko, Lapurdiko eta Nafarroa-Behereko euskarazko lizeo bakarra gara. Euskararen biziraupena bultzatu eta etorkizuneko euskal hiztunak heziko dituen bakarra.
Produktu sinboliko garrantzitsua dugu eskuartean. Euskara hutsean, erliebean eta Euskal Herri osoa jasotzen duen mapa bakarra. Duela 20 urte ekoitzi gabe zena eta eguneraturik edizio mugatuan eskainiko duguna.
Maparen salmentak Bernat Etxepare Lizeoaren handitze lanak ordaintzeko balio izanen du. Euskal Herritik Euskal Herrira euskaraz bizi, pentsatu eta eraikitzen segi dezagun.
Mapa bat baino gehiago da, proiektu pedagogiko sendo bat, herri proiektu bat. Egitasmo desberdinen bidez, lurraldetasuna edukiz, ezagutzaz, bizipenez eta harremanez sakondu asmo duena.
Erliebedun mapa honen mendi, erreka eta itsasoak ongi irudikatzen dute gure helburu eta ametsa. Oztopo guztien gainetik, mendi pattarrak igo, euskarazko erreketan freskatu eta gure ama-hizkuntzaren itsasoan murgilduko baikara euskararen herrian euskaraz ikasteko.
Ekar diezaiogun gure harria euskararen herriari!
eskura ezazu zure mapa
Bi urrats baino ez dira eman behar zure eskaera gauzatzeko:
- Beherago ageri den Google Inprimakia bete
- Zure erosketaren zenbatekoaz osatutako banku transferentzia bat egin
Abenduaren 20tik aurrera, mezu elektronikoa eta testu mezua igorriko dizkizugu zuk aukeratu duzun AEK zentrotik eskaera jasotzera pasa zaitezen
